丹麥肉丸大戰:當食物變成另類武器

文:甄梓

Frikadeller_smorrebrod_small_01.jpg
我對丹麥食物的認識,除了藍罐曲奇,就只有open sandwich (Smørrebrød),即是在一塊麵包上放滿不同食物,可隨意配搭薯仔、紅捲心菜、蛋、牛肉片、魚餅或煙三文魚等食材,當然不少得丹麥肉丸,加上秘製醬汁,凍食熱食任你選擇,味道一流。但原來食物除了可以醫肚,也可以變成一種「武器」。
丹麥中部城市Randers市議會上周一(18日)通過新法,強制規定所有公務機關,包括幼稚園和托兒中心,都要提供豬肉餐。市議員表示,此舉是為了捍衛丹麥人愛吃豬肉的傳統文化。這種文化與穆斯林難民的飲食習慣有所衝突,因此觸發一場「肉丸大戰」,豬肉就這樣變成了傳媒口中的所謂「武器」。移民組織質疑當局推行法案是另有目的,懷疑是利用立法手段勸退大舉湧入丹麥的難民,以及避免難民影響當地生活文化。

英國《獨立報》指出,丹麥豬肉紛爭已變成了伊斯蘭恐懼症及憂慮歐洲文化遭受侵襲的象徵。除了肉丸爭議,丹麥早前通過新法草案,規定政府可向尋求庇護者手中徵收超過一萬丹麥克朗的現金或同等價值的貴重物品,以補貼庇護程序及社會福利的費用,但婚戒、家族肖像或獎牌等具有「特別情感價值」的物件則排除在徵收之列外。這項法案預計將於二月起生效,外界批評新法勾起了納粹德國奪去受迫害人民財物的回憶。

分析相信,丹麥立法提供豬肉餐有逼退難民之嫌,甚至挑起反穆斯林情緒。事實上,自丹麥右翼政府上台後,反移民立場愈見明顯,去年9月丹麥政府在黎巴嫩多份報章賣廣告,說明丹麥將緊縮難民庇護政策,並將廣告製作成十種不同語言版本,在丹麥難民中心和社交網絡上廣傳,用廣告手法勸退移民選擇前往丹麥。據統計,2015年丹麥只接收約二萬名來自中東戰亂地區的難民,難民寧取道丹麥前往瑞典或其他北歐國家,也不願在丹麥逗留,就是因為丹麥政府採取強硬態度應對難民潮,包括大賣反移民廣告和立法供豬肉膳食,嚇怕前來尋求庇護的人。

據悉,瑞典極右政黨瑞典民主黨領袖Jimmie Åkesson曾表示想仿效丹麥,製作一系列反移民廣告刊登於外國報章,反對難民入境。如今,丹麥市議會推出強制提供豬肉餐的方案,不知道瑞典民主黨會否模仿丹麥的做法,在不久將來提出相關動議?

飲食篇 – 丹麥聖誕等式食物

文: 香港人在丹麥 – Hong Konger i Danmark

當提起聖誕大餐嘅時候,我估好多人都即時諗起火雞。不過其實係英國、美國等幾個國家係食火雞。好似係歐洲有好多國家都有自己嘅傳統食物。而今次就同大家講下丹麥嘅傳統聖誕食物。

係 24號平安夜晚,丹麥係會喺屋企食聖誕晚餐。佢地會食烤鴨(Andesteg)、烤脆皮豬肉(Flæskesteg – 有D似我地廣東燒肉不過冇咁鹹同佢係薄切)、boiled and caramelised 薯仔、red cabbage。而甜品會食rice porridge (risengrød)。上面會有牛油同cinnamon sugar。佢地會好random咁係其中一碗放一粒杏仁。邊個食到粒杏仁就會有一份特別聖誕禮物。

10917028_1613117972250203_7967411575104297983_o 10911406_1613117955583538_575300166449152906_o 10914951_1613117925583541_6201116867397497447_o 10887581_1613117932250207_6666499696464053211_o 10869507_1613117975583536_4459795311733525737_o 10857389_1613117978916869_2961739691964756561_o

到在26號餐聖誕午餐就會食成日都食嘅嘢,就係smørrebrød…… 不過今次就有好多唔同topping (pålæg)。而有一樣一定有嘅就係炸龍脷。由於聖誕午餐係由朝食到晚,所以食完smørrebrød 之後會食其他random嘅dish。

除左以上之外,丹麥聖誕等式食物/飲品仲有聖誕啤酒(Julebryg),比一般啤酒甜同少酒精所以容易入囗。Gløgg,加入左香料煮成熱飲嘅紅酒。同埋仲有Æbleskiver,一種用麵粉等整成球體狀嘅食物,多數點果醬同糖霜一齊食。

如果大家下次聖誕唔想又食火雞的話,可以試下上網搵我以上所介紹食物嘅recipe,體驗一下丹麥風味嘅聖誕大餐。

丹麥飲食篇 – Smørrebrød

3 1898763_1594239964138004_876956022973182655_o

文: 香港人在丹麥 – Hong Konger i Danmark

丹麥究竟有咩食?丹麥人平時食D乜?
香港大多數人對丹麥食物,可能什至對丹麥嘅認識只有藍鑵曲奇。但係其實藍鑵曲奇依個牌子係丹麥係極少人認識。就算依種曲奇丹麥人都係好少食。

曾經有個丹麥人問我知唔知丹麥嘅National Dish係乜,我答smørrebrød,佢話唔係,佢講笑咁答我話第一係肉醬意粉,第二係雞排,第三係pizza。不過其實以上都係丹麥人經常食嘅嘢。 所以可見丹麥嘅傳統飲食文化其實並唔突出,喺近年嘅一D新派丹麥菜餐廳好似Noma, Geranium令丹麥菜喺世界上攞返D知名道。所以香港少人知丹麥有乜食真係唔出其,其實什至連歐洲有好多人都唔知…

咁究竟丹麥地道嘢食有D乜?今次我就同大家介紹下我頭先講過嘅smørrebrød。

Smørrebrød 姐係 open sandwich。係由一塊麵包上面放上一D食物組成。麵包多數係用黑麥包(rugbrød),黑麥包係丹麥人嘅傳統主要食糧,就好似我地中國人嘅飯。

而麵包上嘅食物係叫pålæg,多數用黎做pålæg嘅有凍肉(凍薄牛肉、火腿)魚類(煙三文魚、煙/茄汁鯖魚、蝦仁、炸龍脷)醃製食物(醃鯡魚、醃青瓜)沙律醬拌魚(三文魚、吞拿魚、蟹)蛋、生菜、洋蔥、丹麥魚餅、丹麥肉丸、蛋黃醬、豬肝醬、芝士、薯仔等等。

而配搭有都一D指定組合,傳統嘅有蝦仁配雞蛋生菜美,美乃滋醬、凍薄牛肉配炸洋蔥粒,辣根,remoulade醬、煙鯖魚配水蘿蔔,蝦夷蔥。不過配搭都有好多時候係視符個人,有D人可能會有自己嘅特別組合。

丹麥人多數喺午餐嘅時候食smørrebrød,我喺丹麥返工嘅時候由於午餐係公司安排(差唔多所有喺丹麥公司都係咁),所以差唔多一個星期食足五日,亦都有機會睇下其同事有乜野獨特配搭。

聖誕就到,我下次會講下丹麥人點過節,又會講下應節食物,當中會再次提及smørrebrød…