Live Norish Annual Event 2018! (1)

文: Live Norish Editorial Board

首先,要講聲好抱歉好抱歉好抱歉。

抱歉係因為遲到。

遲到? 你唔記得我地上年Annual Event 講過明年 (即係今年)春暖花開之時,就係我地再會之日? 大暑都過埋啦,君不禁問一句: 到底你去左邊? 

(回帶: https://goo.gl/ysUu9h)

由於小編的人生路上出現咗變化,令我對Live Norish 的日常運作疏懶 (再一次抱歉)。亦都因為呢個變化,導致我地一向於暑假舉行既聚會推到去十月。立秋都黎啦,係時候要見啦係咪? 

今年交流會主題係: 北歐,關你咩事? 

北歐俾人一個正面既印象,在各個方面都係世界潮流指標。佢地既係社會創新先峰,又係科技一哥, 一向在國際間都滿有地位 (ahem 而家家長幫小朋友搵學校都話要有芬蘭教育元素先去考喎…)。但知道佢地有幾叻有時只會令我地見到自己有幾頹 (well)。而且佢地叻,又關我咩事? 我有咩得著? 

2018年,北歐真係崛起。轉捩點就係世界盃。因為世界盃,我地見到好好好出色既冰島,瑞典同埋丹麥國家隊有幾強大,特別係冰島,340,000人口既國家,竟然有隊咁高質素同士氣既球隊,個個日頭返工收工仲要練波,身兼幾職,但佢地自得其樂,愈打愈有勁。冰島同香港人都係得24小時,大家都活在一個高物價既社會,社會限制多多,係咩令到人地國足有聲有色? 而我地香港就永遠做不到,或者慢人十拍? (Pausing there, 你可能會想去Youtube睇下有關郝耀南的故事… )

類似既分析文章相信你網上都睇唔少 ,專家話係我地冇mindset 冇足球文化冇環境冇資源冇氣候又冇土壤。既然係百冇,正常推論就係因為我地完全唔ready 發展足球呢種運動 (我相信又有好多人會唔同意),但點解見到人地做到,我地咁開心又羨慕? 又覺得自己恨鐵不成鋼? 係唔係因為我地都可以進步?

經過世界盃既洗禮,北歐三國既小奇蹟已經進入左我地每個人既內心深處,我地已經無法再抑制對地球既呢個角落既求知慾。 不過重要既係,學到有關北歐既知識,我地可否與自身的環境連上關係,一點一點地改變自己又或者係社會現況?

今次聚會我地會邀請對冰島足球有認識的﹑現時住在冰島的﹑經常到北歐或極地考察的﹑還有在芬蘭環保企業工作的朋友同我地分享北歐點樣開佢地既眼界,影響佢地既生活,從而令你知道喺北歐呢片土地到底可以學到什麼。我們希望每次見面都inspire 到你,今年都唔例外。

報名可見:

https://form.jotform.me/82137741250451

北歐,真係關你咩事? 

**特別鳴謝Prime House 在場地上的贊助和合作,係一個好新好靚的Event Space,稍後就會向大家介紹一下。
#primehouseNordic 3 20180803-03 (1).jpg

又到聖誕

文: Jessica Yeung

images

聖誕除了是全城減價的購物良辰吉日,也是西方國家一年一度最重要的家庭團聚日子,意義跟華人的農曆初一初二同樣。

臨近聖誕,外國人會在家裡佈置聖誕樹,像華人會在過年前在家裡貼紅揮春、放盤水仙、插幾枝桃花。送禮方面,香港人在過年時會買水果、藍罐曲奇、金莎巧克力送贈親朋,外國人則會交換禮物。以我去年在芬蘭人的家過所見,因歐洲人離開家園往歐美國家工作或結婚十分常見,因此聖誕時節長期在外國或其他城市生活的子女難得聚首,好不熱鬧。家裡成員為父母及各兄弟姊妹預備一份禮物,用花紙精心包裝及寫下收件人的名字後,高興地把禮物堆在聖誕樹下,等待聖誕前夕(24號)收禮物和拆禮物。據說芬蘭的拆禮日就是廿四號。

廿四號晚上,大家會穿戴得光鮮漂亮,不一定要紅色,但女的起碼會化妝穿裙子,男的會著恤衫。聖誕晚餐也不一定名貴,但會豐富和多樣式。沒有發財好事橫財就手等廣東菜式,但沙拉會加料,由平日的生菜蕃茄升級至熱情果橙合桃生菜,肉則可能有薰三文魚和火雞。芬蘭人在聖誕期間會吃許多甜點和巧克力,著名的fazer 巧克力會在聖誕期間推出多款特色口味的巧克力,是送禮佳品。

吃過大餐後,家庭成員會齊集在聖誕樹旁,拍張大合照後唱首jingle bell, 由於是芬蘭語,全場只我一人啦啦啦咪嘴。之後是拆禮物環節,這時好緊張,有些家庭成員會收到六至七份禮物,我這些新加入的客人只收到三份。我們每人輪流拆禮物,有人收到調味料、羊毛襪、碗碟、衣服、巧克力、書本……。我緊張是因為,拆了三份我已拆完手頭上的禮物,下round 輪到我便只能說that’s it,好似好冇人緣好樣衰…,幸好輪了三圈後大家便各自拆禮物,我不用高調成為禮物收最少的一個。

拆禮物後便是自由時間,可以各自去睡覺、找朋友、去pub 跳舞狂歡。

我和Ilari 的母親都給他送恤衫,他最後把我送的一件換上,識do,叻仔。至於他送我的,因為我們都沒收入,平時財政結結据餘錢不多,我本來以為他會送我fazer 巧克力,打開竟是聖誕版的glögi茶葉。
Glögi 是聖誕飲品,由玉桂,糖,葡萄乾等製成。可能是Ilari 平日給我很木獨的印象,總覺得聖誕節他給我送茶葉一點不浪漫。他卻強調這是經他精挑細選的,因見我家裡有不同口味的茶葉。其實我家裡也裡也有許多鞋和vintage 袋,怎麼不給我送一些?(港女上身)

就這樣,由於大時大節我會希望Ilari 參與我的家庭朋友聚會,所以今年的聖誕就算我手頭上的餘錢不多以及我覺得在一張充滿芬蘭語的長餐桌上自顧自吃飯他們大笑時又聽不懂他們的gag 十分冇癮,我還是一擲千金買了finnair 的來回機票,獻出我乘搭芬航的第一次,到芬蘭再過一個零下二十度、凍到面紅甩腳趾的聖誕。今天我已預購了用來送禮的襪子,預祝大家聖誕快樂。

1452379_740623669300582_798432665_n

圖:Ilari 父母的家。

圖片來源: baltictravelcompany.com