Live Norish Annual Event 2018 – Sponsor 名單

文: Live Norish Editorial Board

最近睇到大學生求雞脾Sponsor然後no show 仲要Sponsor 打來追問都唔聽人電話一事真係覺得少少痛心。其實人家無緣無故為咩要將珍貴既資源俾你? 你用都還好,最後竟然唔用先激氣。

搵Sponsor 對Live Norish 來說係難過登天,因為我地唔係大Brand ,經營的也不是PR人,每一個合作伙伴也是辛苦儲回來,希望佢地覺得呢個平台有價值,亦喜歡同北歐愛好者做朋友。總之,我想講既係…. 如果Event 有雞脾贊助就好啦….哈哈,講笑姐。

今年Event Sponsor也是五花八門,各顯心思,就等我排名不分先後介紹一次:

1. OATLY – OATLY 燕麥奶今年黎左香港! 唔講唔知,原來OATLY 係隆德大學既研究成果! 佢地利用專利酵素技術,將富含纖維的燕麥變成易於吸收的營養液體食物,創造出健康既新飲品。當日去Event 既朋友就有機會試下啦!

https://www.oatly.com/hk/

2. Finnair – Finnair 一向都係Live Norish 好朋友,上年Joey 為我地講business innovation,今年佢地會送出有Finnair logo 既T-shirt 同埋利事封俾Q&A環節答中問題既朋友。原來Finnair 將會於年尾喺赤柱聖誕市集擺booth,對Finnair有興趣既朋友記得去睇下

630d73da4d4fc776ce6c760057ecaa97_213x148c

https://www.finnair.com/

3. Sverige Shoppen – 我地既大大,除左大大,真係唔知點形容好。Sverige Shoppen 一直支持Live Norish 既所有活動,仲要係不問情由咁支持。每一年我地到場既朋友都可以試到來自瑞典既goodies,今年梗係唔例外啦。同Finnair 一樣,佢地都會响赤柱聖誕市集擺booth

unnamed (2)

https://sverigeshoppen.com/

4. FINDS/The Luxe Manor – 講到儲sponsor,FINDS/The Luxe Manor 真係我地第一代支持者。大家應該記得我地頭兩年既Event 都係係The Luxe Manor 舉行,往後每年既活動佢地都會派coupon甚至係VIP 卡俾讀者。今年佢地會送出Complimentary Afternoon Tea 俾Q&A環節答中問題既朋友以及其他飲食折扣,大家黎到記得打醒十二分精神答問題!

講開FINDS,大廚Jaakko 最近釀製既Gin 酒得大獎,稍後應該可以在指定地方買到呢枝酒來試試,記得留意FINDS 既update!

FINDS logo (1)

http://finds.com.hk/

The Luxe Manor logo (1)
https://www.theluxemanor.com/default-en.html

5. Visit Finland – Visit Finland 會送出有關Finland 旅遊既小冊子,仲有少量I wish I was in Finland Tote Bag,實行為各位日後既芬蘭之旅打個氣。

visit finland

https://www.visitfinland.com/

6. Prime House – 最後要介紹下場地方面既Partner Prime House。佢地以友情價租出場地,無非都係想一班北歐愛好者舒舒服咁gathering。Prime House 除左可以提供會議場地,仲有一個Whisky Bar,係觀塘罕有既High End 場地,要去觀摩下呀!

Ph Box Gold

https://www.primehouse.co/

報名可見:

https://form.jotform.me/82137741250451

大家10月6 日見啦!

Live Norish Annual Event 2018 – 講者名單

文: Live Norish Editorial Board

Live Norish Annual Event 2018 講者名單已經出爐! 我們有幸邀請以下五位朋友跟我們分享有關芬蘭及冰島的各種生活體驗 [排名次序不分先後]:

1. Tracy 為教育燃新行政總監,致力推動教育創新的她過去主要在社會創新及社會企業領推動教育工作,曾負責黑暗中對話教育項目的發展,並策劃不同老師培訓及青少年項目,讓教育更切合下一代現在與未來的需要。 Tracy 曾到芬蘭、荷蘭、丹麥、美國、台灣等地考察當地教育的發展,今次她會在Annual Event 分享在北歐考察教育創新發展的見聞!

http://ednovators.org/

2. 緊接下來有Säde 為我們介紹芬蘭造紙業巨企UPM 的商業理念。在商言商,賺錢本是王道。但一間北歐企業如何在謀利和環保中取得平衡? 背後要付出的有多少? 芬蘭人如何實踐環保? Säde 會為我們一一講解。

www.upm.com

3. Diana 本是香港Banker,戀上冰島攝影師後決定放棄香港的高薪厚職,遠赴冰島生活,並轉行成為半職媽媽。放棄熟悉的環境,搬到陌生的國度,當中遇到什麼有笑有淚的故事? 冰島又是一個怎樣的地方? Diana 將會跟我們深入探討。

4. 說到冰島,你大概會想到旅遊。到北歐旅遊並非難事,但要在短時間內遊歷北歐多國並將當地最美一面攝入鏡頭並不容易。Ada 跟一眾朋友於28天內遊歷北歐四國,當中的行程安排以及種種趣事很值得有興趣到北歐旅行的朋友參考,Ada 更會為我們分享旅行靚相!

5. 最後一位嘉賓Kelly 本來與北歐也沒有太大關係…. 但今個夏天,她跟香港U15青年足球隊遠赴冰島交流! 冰島在世界球壇漸見鋒芒,到底是什麼在背後推動這個國家的足球發展? 香港年青人在跟冰島青年人較勁後學到了什麼? 有什麼反思? 且看Kelly 怎麼說。

同場加映我們還有移居瑞典的Daniel。五年前他隻身遠赴Umeå 修讀Public Health Master,這五年間他的生活有了重大改變。雖然Daniel 不會在台上分享,但各位有志到瑞典進修的朋友記得要跟Daniel 請教!

一口氣介紹了Speaker,weekend再介紹sponsor!

報 — 名— 從—-速!!!!

https://form.jotform.me/82137741250451

Live Norish Annual Event 2018! (1)

文: Live Norish Editorial Board

首先,要講聲好抱歉好抱歉好抱歉。

抱歉係因為遲到。

遲到? 你唔記得我地上年Annual Event 講過明年 (即係今年)春暖花開之時,就係我地再會之日? 大暑都過埋啦,君不禁問一句: 到底你去左邊? 

(回帶: https://goo.gl/ysUu9h)

由於小編的人生路上出現咗變化,令我對Live Norish 的日常運作疏懶 (再一次抱歉)。亦都因為呢個變化,導致我地一向於暑假舉行既聚會推到去十月。立秋都黎啦,係時候要見啦係咪? 

今年交流會主題係: 北歐,關你咩事? 

北歐俾人一個正面既印象,在各個方面都係世界潮流指標。佢地既係社會創新先峰,又係科技一哥, 一向在國際間都滿有地位 (ahem 而家家長幫小朋友搵學校都話要有芬蘭教育元素先去考喎…)。但知道佢地有幾叻有時只會令我地見到自己有幾頹 (well)。而且佢地叻,又關我咩事? 我有咩得著? 

2018年,北歐真係崛起。轉捩點就係世界盃。因為世界盃,我地見到好好好出色既冰島,瑞典同埋丹麥國家隊有幾強大,特別係冰島,340,000人口既國家,竟然有隊咁高質素同士氣既球隊,個個日頭返工收工仲要練波,身兼幾職,但佢地自得其樂,愈打愈有勁。冰島同香港人都係得24小時,大家都活在一個高物價既社會,社會限制多多,係咩令到人地國足有聲有色? 而我地香港就永遠做不到,或者慢人十拍? (Pausing there, 你可能會想去Youtube睇下有關郝耀南的故事… )

類似既分析文章相信你網上都睇唔少 ,專家話係我地冇mindset 冇足球文化冇環境冇資源冇氣候又冇土壤。既然係百冇,正常推論就係因為我地完全唔ready 發展足球呢種運動 (我相信又有好多人會唔同意),但點解見到人地做到,我地咁開心又羨慕? 又覺得自己恨鐵不成鋼? 係唔係因為我地都可以進步?

經過世界盃既洗禮,北歐三國既小奇蹟已經進入左我地每個人既內心深處,我地已經無法再抑制對地球既呢個角落既求知慾。 不過重要既係,學到有關北歐既知識,我地可否與自身的環境連上關係,一點一點地改變自己又或者係社會現況?

今次聚會我地會邀請對冰島足球有認識的﹑現時住在冰島的﹑經常到北歐或極地考察的﹑還有在芬蘭環保企業工作的朋友同我地分享北歐點樣開佢地既眼界,影響佢地既生活,從而令你知道喺北歐呢片土地到底可以學到什麼。我們希望每次見面都inspire 到你,今年都唔例外。

報名可見:

https://form.jotform.me/82137741250451

北歐,真係關你咩事? 

**特別鳴謝Prime House 在場地上的贊助和合作,係一個好新好靚的Event Space,稍後就會向大家介紹一下。
#primehouseNordic 3 20180803-03 (1).jpg

Live Norish Working Group

於過往Event 見到唔少忠實支持者,對Live Norish 一向花盡心思俾意見。Live Norish 而家想組一個實而不華既working group,不定期咁見下面,傾下計,交流一下北歐既最新既資訊,制度,文化等等,另一方面可以向live norish 提議我地點樣可以做得更好。可以好casual,但同一時間都好認真! 呢個group 將會好細,經過篩選,有些人可能係by invitation加入。

如果你自問:

1. 對北歐好有興趣,亦有好深認識
2. 想俾意見我地
3. 為人和善,open minded, 肯聽意見
4. presentation 技巧唔錯
5. 可以commit 到最少見五次

我地好歡迎你加入! 請以email 形式報名,記得介紹一下自己,如果有同北歐相關既經驗都要send 埋俾我地睇 (livenorish@gmail.com),我地會積極研究!

#加入小組係冇錢的因為我地冇經費
#但陳若谷都會請下人fika既
#先小人後君子如果大家入經係想sell野或有咩其他企圖我地係會請你走架!
#如果livenorish收到eventinvitation我地會請workinggroup既朋友一齊出席
#有咩著數野梗係會話埋你知

等你!

 

Annual Event 後有感

文: Live Norish Editorial Board

Annual Event 轉眼已舉行了一星期,三位講者說的話都在我腦中打轉。我們看到了北歐在教育,環保以及航空業也是走在最前,香港似乎還有好一大段距離。

發展是什麼? 香港對發展有種很狹隘的看法,通常都是跟經濟有關的,起下樓,稍有改變,賺多點錢,咪就係有發展。如果到政府發展局的網站你可以看到它的存在目的: 「規劃、土地及樓宇發展,以及基建發展。」就是如此冰冷和單一。而所有令「發展」這個project 增加枝節的都可以不理,至於發展後 (例如發展土地)如何sustain 社區生活或是環境生態 ,也不是大家擅長的范疇。

但環境和生態對北歐人來說是生活的一部份,是不可或缺的。如果經濟增長而犧牲環境和生態,那他們極有可能會放棄經濟增長,因為錢還是可以從不同方面賺取,但環境一旦破壞就無法回頭。正正因為觀念上的不同,北歐的發展與保育可以並存,我們呢? 我們起了納米樓,發展了造價驚人的鐵路,淹沒了農地,殺掉本地農業 (而特首選委有60人是來自漁農界別的),打郊野公園主義( 而不想打搞Golf 場),起了一堆堆令人窒息的屏風樓,苦了的還是自己吧。

另一方面,在社會創新上我們也是走得比人慢。Joey 說得好,創新,其實不一定是摒棄舊有的然後找新的代替,有時是令現有的制度和措施變得更好一點。例如說在玻璃瓶回收箱旁邊加一個水喉和鋅盤,那有心回收的市民便可以直接在那裡洗刷玻璃瓶然後投入回收箱,不用帶回家洗後再拿去回收。聽來是很簡單的小措施,但無疑令回收變得更易,省了回收者的時間,這就是創新。香港在回收上沒有創意,那麼多年了,還是三個箱自己分自己搞掂,社區沒有廚餘機,導致堆填區繼續迫爆,議員官員到訪北歐看焚化爐,睇完沒有聲氣。令人氣餒的不是香港庫房有沒有錢,而是有錢卻不懂好好花,行動力低落,這是香港樂見的景象嗎?

也念念不忘Master Fung 的分享。他說他當年是帶著一個問題出發去看瑞典的環保,這其實是一個很好的提醒 – 我們永遠要帶著疑問與求真的精神才可以把生活變得更好,把旅程變得有意義。這星期香港發生了太多事,有著翻天覆地的轉變,有機會去Exchange,去外國讀書的你們,有沒有帶著一些問題出發? 讀public health 的,會否為香港公共醫療體系帶來改變? 讀law 的,會否從外國了解civil disobedience 更多? 讀VR 的,會否以科創帶來創業機會? 讀教育的,會否明白比起芬蘭香港的教育系統少了什麼? 可以逃避香港一段時間的確好輕鬆,但家還是要回的,為這個香港帶來更多idea 和solution 吧,年青的人,更要相信自己。

期待一個變得更好的社會。

#Finnair #ay350hkg #MasterFung #Exchange
#改變 #由你開始

Live Norish Annual Event 2017

文: Live Norish Editorial Board

第四次Annual Event 已經完滿結束! 今年以Nordic Innovation 為主題其實都有點走在險峰,畢竟一個星期六下午既活動應該要輕鬆,唔知道講一點比較深入既Topic 會否變得沉悶或沉重。但觀眾既反應超出我所想,大家比足心機去聽同了解北歐創新,而且悟性好強,講者亦都中哂point,令觀眾可以帶走一些重點,兩個半小時既活動轉眼就過,希望各位都覺得有所得,這是我們最希望見到的。

場地是要一讚。當日揀The Wave 絕對係明智既選擇,如果別人需要搞seminar我也會推薦。當然價錢若可再相宜點係會更加好的:D。今天得到職員的幫助,知道他們對活動真心有興趣確是令人鼓舞。

也要多謝所有sponsor,那種支持令人感動,所有人也不明白我一個小薯如何找到如此高質sponsor,其實我也不知道。當中有幾個sponsor 是長期支持我們的,例如FINDS,Sverige Shoppen, Sudio,我跟他們的marketing/老闆已經成為了老朋友,Sverige Shoppen 的老闆義無反顧的贊助我們,基本上完全沒問因由和回報,你有活動我就支持好了。FINDS 的Marketing 主理也是傾力相助,100%的信任我們,Sudio 早就把一箱箱的物資送來我家….這是我們搞文化enterprise 的基石 — 支持和信任。我也要多謝今年新partner Team Finland,芬蘭機構的團結令人明白你們為什麼會成功。

#finds #sverigeshoppen #visitfinland #finnair #insureDIY #lcxmoonincafe#moreganic #sudio #sudiosweden #consulategeneralofswedeninhongkong#tekes

更要多謝speaker, Master Fung/Sari/Joey。沒有他們,沒有content,沒有人來。他們都有正職,要付出時間做準備,還要承受那種演講壓力,真係三唔識七,點解有人咁好會做這些差事? 就是因為對北歐的愛!

最後當然要多謝三個男人,影相的Hong,MC 的Ernest,還有坐門口的Baldwin ,沒有這三寶,今天也沒能成事。

今天在節目一開始時我跟大家說有不少朋友因為Live Norish 而去了Exchange 甚至是移民,過自己想過的生活,其實在香港也可以活得北歐,只要把那種信念放在生活上就可以了。這四年我遇到了很多奇人好事,因為Live Norish而過得非常精彩,付出的心血和時間絕無白費,我找到了興趣,同時也希望你們也找到自己的方向。明年春暖花開之時,雖然未必係我地再會之日,但唔知到時你會唔會已經去了瑞典working holiday? 又或是去了芬蘭尋夢?

共勉之。

Live Norish Annual Event 2016 – 感謝文

文: Live Norish Editorial Board

[好開心的說] 多謝昨日出席活動的朋友,我們有驚人的出席率 – 九成半!!!!

就如昨日所說,舉辦此年度活動不為賺錢(未埋數但好似剛收支平衡…),我們認為活動的意義大於一切。每次聽到讀者因為接觸到 live norish 而決定去北歐闖一闖,都覺得非常熱血兼感動 (看到10年前的自己啊~~~)。就算你在歐遊過後決定回來過一些營營役役的生活,外國生活的時間一定是你快樂而深刻的人生經歷。

喜見大家如此投入,完場後更有人留下繼續傾計,如有任何意見請以inbox 形式賜教。

多謝 The Wave 的場地,又型又闊絡,更加要多謝blogger 們準備的分享,百忙之中諗個speech 整埋powerpoint 你估好易? 也多謝Cola, Ron, Ernest, Baldwin 當天幫忙。有一個人沒有來但一定要多謝,就是我們最愛的設計師Clare!

不能skip 的當然是好好人的sponsor:

‪#‎Sverigeshoppen‬, ‪#‎Sudio‬, ‪#‎Sandqvist‬, ‪#‎MotelL‬,‪#‎Stockholm‬‪#‎FINDS‬‪#‎Theluxemanor‬

www.sverigeshoppen.com
www.finds.com.hk
www.theluxemanor.com
https://www.facebook.com/Stockholm.com.hk/?fref=nf
www.motel-l.se
www.sudiosweden.com/hk
https://www.sandqvist.net/

記得,所有discount code 也是印在門票的背面,如你遺失了門票,請以電郵聯絡我們。

下年再見咯。

13913715_1165872346805176_8861315268872659227_o