Live Norish Annual Event 2018 – Sponsor 名單

文: Live Norish Editorial Board

最近睇到大學生求雞脾Sponsor然後no show 仲要Sponsor 打來追問都唔聽人電話一事真係覺得少少痛心。其實人家無緣無故為咩要將珍貴既資源俾你? 你用都還好,最後竟然唔用先激氣。

搵Sponsor 對Live Norish 來說係難過登天,因為我地唔係大Brand ,經營的也不是PR人,每一個合作伙伴也是辛苦儲回來,希望佢地覺得呢個平台有價值,亦喜歡同北歐愛好者做朋友。總之,我想講既係…. 如果Event 有雞脾贊助就好啦….哈哈,講笑姐。

今年Event Sponsor也是五花八門,各顯心思,就等我排名不分先後介紹一次:

1. OATLY – OATLY 燕麥奶今年黎左香港! 唔講唔知,原來OATLY 係隆德大學既研究成果! 佢地利用專利酵素技術,將富含纖維的燕麥變成易於吸收的營養液體食物,創造出健康既新飲品。當日去Event 既朋友就有機會試下啦!

https://www.oatly.com/hk/

2. Finnair – Finnair 一向都係Live Norish 好朋友,上年Joey 為我地講business innovation,今年佢地會送出有Finnair logo 既T-shirt 同埋利事封俾Q&A環節答中問題既朋友。原來Finnair 將會於年尾喺赤柱聖誕市集擺booth,對Finnair有興趣既朋友記得去睇下

630d73da4d4fc776ce6c760057ecaa97_213x148c

https://www.finnair.com/

3. Sverige Shoppen – 我地既大大,除左大大,真係唔知點形容好。Sverige Shoppen 一直支持Live Norish 既所有活動,仲要係不問情由咁支持。每一年我地到場既朋友都可以試到來自瑞典既goodies,今年梗係唔例外啦。同Finnair 一樣,佢地都會响赤柱聖誕市集擺booth

unnamed (2)

https://sverigeshoppen.com/

4. FINDS/The Luxe Manor – 講到儲sponsor,FINDS/The Luxe Manor 真係我地第一代支持者。大家應該記得我地頭兩年既Event 都係係The Luxe Manor 舉行,往後每年既活動佢地都會派coupon甚至係VIP 卡俾讀者。今年佢地會送出Complimentary Afternoon Tea 俾Q&A環節答中問題既朋友以及其他飲食折扣,大家黎到記得打醒十二分精神答問題!

講開FINDS,大廚Jaakko 最近釀製既Gin 酒得大獎,稍後應該可以在指定地方買到呢枝酒來試試,記得留意FINDS 既update!

FINDS logo (1)

http://finds.com.hk/

The Luxe Manor logo (1)
https://www.theluxemanor.com/default-en.html

5. Visit Finland – Visit Finland 會送出有關Finland 旅遊既小冊子,仲有少量I wish I was in Finland Tote Bag,實行為各位日後既芬蘭之旅打個氣。

visit finland

https://www.visitfinland.com/

6. Prime House – 最後要介紹下場地方面既Partner Prime House。佢地以友情價租出場地,無非都係想一班北歐愛好者舒舒服咁gathering。Prime House 除左可以提供會議場地,仲有一個Whisky Bar,係觀塘罕有既High End 場地,要去觀摩下呀!

Ph Box Gold

https://www.primehouse.co/

報名可見:

https://form.jotform.me/82137741250451

大家10月6 日見啦!

Live Norish Annual Event 2018 – 講者名單

文: Live Norish Editorial Board

Live Norish Annual Event 2018 講者名單已經出爐! 我們有幸邀請以下五位朋友跟我們分享有關芬蘭及冰島的各種生活體驗 [排名次序不分先後]:

1. Tracy 為教育燃新行政總監,致力推動教育創新的她過去主要在社會創新及社會企業領推動教育工作,曾負責黑暗中對話教育項目的發展,並策劃不同老師培訓及青少年項目,讓教育更切合下一代現在與未來的需要。 Tracy 曾到芬蘭、荷蘭、丹麥、美國、台灣等地考察當地教育的發展,今次她會在Annual Event 分享在北歐考察教育創新發展的見聞!

http://ednovators.org/

2. 緊接下來有Säde 為我們介紹芬蘭造紙業巨企UPM 的商業理念。在商言商,賺錢本是王道。但一間北歐企業如何在謀利和環保中取得平衡? 背後要付出的有多少? 芬蘭人如何實踐環保? Säde 會為我們一一講解。

www.upm.com

3. Diana 本是香港Banker,戀上冰島攝影師後決定放棄香港的高薪厚職,遠赴冰島生活,並轉行成為半職媽媽。放棄熟悉的環境,搬到陌生的國度,當中遇到什麼有笑有淚的故事? 冰島又是一個怎樣的地方? Diana 將會跟我們深入探討。

4. 說到冰島,你大概會想到旅遊。到北歐旅遊並非難事,但要在短時間內遊歷北歐多國並將當地最美一面攝入鏡頭並不容易。Ada 跟一眾朋友於28天內遊歷北歐四國,當中的行程安排以及種種趣事很值得有興趣到北歐旅行的朋友參考,Ada 更會為我們分享旅行靚相!

5. 最後一位嘉賓Kelly 本來與北歐也沒有太大關係…. 但今個夏天,她跟香港U15青年足球隊遠赴冰島交流! 冰島在世界球壇漸見鋒芒,到底是什麼在背後推動這個國家的足球發展? 香港年青人在跟冰島青年人較勁後學到了什麼? 有什麼反思? 且看Kelly 怎麼說。

同場加映我們還有移居瑞典的Daniel。五年前他隻身遠赴Umeå 修讀Public Health Master,這五年間他的生活有了重大改變。雖然Daniel 不會在台上分享,但各位有志到瑞典進修的朋友記得要跟Daniel 請教!

一口氣介紹了Speaker,weekend再介紹sponsor!

報 — 名— 從—-速!!!!

https://form.jotform.me/82137741250451

Live Norish Annual Event 2018! (1)

文: Live Norish Editorial Board

首先,要講聲好抱歉好抱歉好抱歉。

抱歉係因為遲到。

遲到? 你唔記得我地上年Annual Event 講過明年 (即係今年)春暖花開之時,就係我地再會之日? 大暑都過埋啦,君不禁問一句: 到底你去左邊? 

(回帶: https://goo.gl/ysUu9h)

由於小編的人生路上出現咗變化,令我對Live Norish 的日常運作疏懶 (再一次抱歉)。亦都因為呢個變化,導致我地一向於暑假舉行既聚會推到去十月。立秋都黎啦,係時候要見啦係咪? 

今年交流會主題係: 北歐,關你咩事? 

北歐俾人一個正面既印象,在各個方面都係世界潮流指標。佢地既係社會創新先峰,又係科技一哥, 一向在國際間都滿有地位 (ahem 而家家長幫小朋友搵學校都話要有芬蘭教育元素先去考喎…)。但知道佢地有幾叻有時只會令我地見到自己有幾頹 (well)。而且佢地叻,又關我咩事? 我有咩得著? 

2018年,北歐真係崛起。轉捩點就係世界盃。因為世界盃,我地見到好好好出色既冰島,瑞典同埋丹麥國家隊有幾強大,特別係冰島,340,000人口既國家,竟然有隊咁高質素同士氣既球隊,個個日頭返工收工仲要練波,身兼幾職,但佢地自得其樂,愈打愈有勁。冰島同香港人都係得24小時,大家都活在一個高物價既社會,社會限制多多,係咩令到人地國足有聲有色? 而我地香港就永遠做不到,或者慢人十拍? (Pausing there, 你可能會想去Youtube睇下有關郝耀南的故事… )

類似既分析文章相信你網上都睇唔少 ,專家話係我地冇mindset 冇足球文化冇環境冇資源冇氣候又冇土壤。既然係百冇,正常推論就係因為我地完全唔ready 發展足球呢種運動 (我相信又有好多人會唔同意),但點解見到人地做到,我地咁開心又羨慕? 又覺得自己恨鐵不成鋼? 係唔係因為我地都可以進步?

經過世界盃既洗禮,北歐三國既小奇蹟已經進入左我地每個人既內心深處,我地已經無法再抑制對地球既呢個角落既求知慾。 不過重要既係,學到有關北歐既知識,我地可否與自身的環境連上關係,一點一點地改變自己又或者係社會現況?

今次聚會我地會邀請對冰島足球有認識的﹑現時住在冰島的﹑經常到北歐或極地考察的﹑還有在芬蘭環保企業工作的朋友同我地分享北歐點樣開佢地既眼界,影響佢地既生活,從而令你知道喺北歐呢片土地到底可以學到什麼。我們希望每次見面都inspire 到你,今年都唔例外。

報名可見:

https://form.jotform.me/82137741250451

北歐,真係關你咩事? 

**特別鳴謝Prime House 在場地上的贊助和合作,係一個好新好靚的Event Space,稍後就會向大家介紹一下。
#primehouseNordic 3 20180803-03 (1).jpg

瑞典大選實況直擊

文:Stockholm 365

四年一度瑞典國會、縣議會、省議會大選九月九日進行。三級議會選舉每屆同日進行,都係比例代表制。大選結果三大政黨勢力排位同現屆無異,Socialdemokraterna 成功冧莊,Moderaterna 同Sverigedemokraterna 繼續做阿二同阿三,以上政黨順序亦為左中右勢力。

喺瑞典投票同香港最大嘅唔同就係,香港嘅選票上面係列曬該選區所有不同政黨嘅候選名單,再由你剔選支持邊張名單。而瑞典,你一行入票站就會見到一堆選票按議會級別同政黨整齊排列放曬喺度任你拎,選票以顏色區分議會級別:黃色選票為國會級、藍色為省級、白色為縣級。

不同黨派在有參與的各級議會投票中,都各自擁有兩張選票供選民領取;一張只印該政黨名號,一張則印有該政黨名號以及該黨旗下候選人名單。前者係投比個黨,無指名投比該黨邊位候選人,後者則指名投比某一位候選人。

站內另設沒有印上任何政黨名號或候選人名單的空白選票,選民可在該選票上自行填上所投政黨或候選人。直接把這空白選票投出則視為白票,不會影響議席分佈。

選民要喺成堆選票中,自行拿取所需選票前往隱閉布幕,作出選擇後再入落信封,密封後再交比票站人員放入相應投票箱。即係你想喺國會投 A 黨,省議會投 B 黨,你就拎印住 A 黨嘅黃色選票,同印住 B 黨嘅藍色選票。如果你想剔選特定候選人,就拎有印該黨旗下候選人名單嗰張,即係印住 A 黨候選名單嘅黃色選票,同印住 B 黨候選名單嘅藍色選票。

其實呢個佈置好有趣,因為喺瑞典,其實應該係全世界都係咁㗎啦,除非真係好熟或者屋企人㗎姐,否則相識又好,唔相識又好,你都未必會問人投咗咩,可能咁樣係被視為尊重對方私隱。

但其實我喺票站望住你拎印住某黨嘅選票入去布幕,我都已經知你投咩黨啦。唔想比人知?唔好同相識嘅人一齊去投票啦,不過正常都唔會約埋嘅。咁或者到時撞到鄰居呢,住喺附近都實去埋同一個票站㗎啦,唯有迴避嚇唔好𥄫住人拎邊張票。嗱,一係就拎張空白選票之後先自行填上要投咩,一係就直頭唔同黨派嘅選票都拎入去,咁就無人知你最後入邊張落信封啦。

芬蘭食在何方?

文: Edunation

大家千萬不要以為芬蘭像其他國家一樣,有十分多亞洲餐館,事實並非如此。故此,想食到亞洲菜有點難,想食到好味亞洲菜更難,也想食到又平又好味的難上加難。所以在芬蘭通常都是自己煮,雖然款式少之又少,但價錢分分鐘比香港在家煮更便宜。不過,間唔中出去食下不同亞洲菜,可謂人生一大樂事,出去食一頓午餐大概10-12€,而晚餐就12-16€不等,視乎自己選擇。

越南菜味道正宗

其實大部份餐廳都集中在赫爾辛基市中心,步行約10-15分鐘就到了。這間餐廳的越色生牛肉河粉是我的最愛,有時有午市套餐連咖啡或茶10歐。由於有挑食的習慣,所以我每次都走晒芫茜、葱、洋蔥和芽菜,簡單來說「全走」。不過這湯底不得了,我初初以為在亞洲行買到的湯料整出嚟的味道一樣,點知……我問問店員,才知道廚師花了6個多小時熬製的湯,才這麼鮮,再配上生牛肉的嫩,令人大快朵頤。因為我在香港不是經常吃到越菜,所以這味道不知道能相比,但在國外吃到已滿足。

1

全走生牛肉河

3

日本烏冬與抹茶雪糕出色

香港的日本美食花多眼亂、包羅萬有,但芬蘭的寥寥可數。經過我上網再三搜尋,讓我發現原來有間日本餐廳有好有口感的烏冬食,再加上日式湯底,的確係絕配。上次帶了一個日本朋友去食,連她也讚不絕口,稱有家鄉的味道。另外也食了抹茶雪糕,說不上有香港吃到的層次和濃郁的講究,但抹茶的香依然存在,有驚喜。

Continue reading 芬蘭食在何方?

平淡的幸福

文: Edunation

由於芬蘭長年都凍,所以可能給人的第一印象就是冷酷。這裡既沒有香港的繁華渲鬧,也沒有香港的多姿多彩,所以芬蘭究竟有甚麼令人嚮往呢?其實,人生不一定多元化先可以令自己開心,簡單開心的生活就已經令人滿足,正所謂平淡是福。而這種平淡的生活就可以在芬蘭找到。

1

Photo credited by 麗麗

  1. 自由自在

在這裡生活的無論是芬蘭人,或者是外國人,他們都同樣覺得開心滿足。來自香港的麗麗就讀於赫爾辛基大學,她坦然上課時間彈性可以讓自己懂得享受生活,知道自己的人生意義。她亦強調:「以前在香港日日返學好開心,不過不知道自己為了什麼。選擇來芬蘭讀書是我人生的另一頁,可以選擇自己喜歡的堂,老師不會管你,完全靠自覺性。」無束縛的生活令她更珍惜現在的所有。

2

 Photo credited by 麗麗

  1. 簡簡單單

雖然沒有香港咁多種類的商店逛,但該有的都有。香港真是一個多元化的地方,所以令麗麗一開始來到都有些不習慣。芬蘭缺乏的是多種類的餐廳和購物中心。H&M、Zara、書店、超市幾乎都是每個商場必備。雖然香港都有這些店舖,但不同之處就是有很多不同菜式的餐廳,通常亞洲菜式都變成自助餐,吸引更多顧客。同樣地,超市賣的菜、肉和水果選擇也十分少。

話雖如此,這種簡單生活令人變得樸實。雖然這樣的生活讓人覺得枯燥乏味,但是太多選擇都讓人覺得選擇困難,只在乎自己需要什麼而已。

3

 Photo credited by 麗麗

Continue reading 平淡的幸福

iittala 小知識

文: 寄居芬蘭

Alvar Aalto 是芬蘭國內的殿堂級設計師,設計作品涵蓋玻璃用具及擺設、室內及建築設計、雕塑及圖案設計等。關於玻璃擺設,其代表作是芬蘭無人不識、形態像流水的水滴形狀設計(https://www.iittala.com/des…/alvar-aalto/c/alvar-aalto/intro),靈感來自芬蘭的湖泊。我在幾個不同芬蘭人的家的確有看過這個流水形的iittala 產品,放廚櫃內作擺設或玄關位置放Fazer 巧克力。不過我自己就捨不得買,因為價錢稍貴,約100 歐。

28071094_2011768818852721_8514914771350232891_o

28061510_2011766092186327_7296476844103517060_o

建築方面,Alvar Aalto 的設計風格以結合實用、簡潔和大自然的美學聞名,設計並不方正整齊,反而以高採光度、融合周邊的地理特點如天然石壁,及流線形的線條為特色。

Continue reading iittala 小知識