David 信箱(七) – 大包圍問問題

文: 北歐旅遊Fan

問:我會去16日北歐,頭尾2日應該都玩唔到d咩,我應該點plan行程好,我落機係哥本哈根,上機係赫爾辛基,我想去丹麥,挪威,瑞典,芬蘭,同聖誕老人村,當中有邊d景點值得去,同埋好想睇北極光。

答:好多謝大家有問題比我,我都會盡努力去答。但如果係問d無做過功課的問題,例如:
有乜野好玩呀?
有乜野做呀?
去邊好呀?
3萬蚊夠唔夠呀?
邊本旅遊書好呀?
我幾時去玩呀比d意見…..
以上問題真係唔識答。我同你/妳又唔熟,唔知點解去,幾多個去,去幾耐,因乜事去,最想做乜,閣下幾多歲,想hea遊定緊密遊………如果真係拋低一句就想有個靚plan自己唔洗用腦,咁….除非你/妳請埋我去啦。正常諗下都知無人識答你….因為你都唔知你想點的話。

拿,唔係廢話。最好唔好問人有乜推介,因為
1 – 人話好未必妳好中意
2 – 好唔好係好著眼於行程,好有時都去唔到。
3 – 唔知妳係邊種性質好難介紹。美食團?影相怪?流浪漢?hea爆行?博物館代表? (我就係啦) 時間表一族? 兩日三國無蝕底團? 人去我唔去反主流派? 無定向隨遇而安式? 妳一眼望落第一下叫妳答妳都未必識答。係咪?
最好係,妳去收集下資料,有無d地方妳一眼就好中意既。寫低佢先。
到寫得自己都覺差唔多啦,就係google地圖開個北歐地圖出黎,print screen左佢。 跟住用個小畫家開出黎,之後用最少既線連埋d點。條線唔好重複唔好返轉頭。做完妳就有自己個plan架啦,信我。

photo credit: Visithelsinki.fi

2.jpg

DAVID 信箱 (六) – 同媽咪去芬蘭

文: 北歐旅遊FAN

問: 

Plan明年6月尾帶媽咪去芬蘭
Day1:Hong Kong -> Helsinki逛市內
Day 2:參加bonfire festival
Day 3:Helsinki -> Suomenlinna
Day 4:Helsinki -> Rovaniemi
Day 5:Santa Claus Village
Day 6:Rovaniemi -> Tallnin
Day 7:Tallnin 逛Old Town
Day 8:Tallnin -> Hong Kong
Q1) 基本行程可接受嗎?有什麼可以改進?
Q2) Helsinki -> Rovaniemi,交通安排是不是坐內陸機?有其他提議?火車?
Q3) Tallnin是不是一定要坐船返Helsinki才能回Hong Kong?
Q4) 其實可加多1天,想睇風景or歷史建築有什麼好介紹?

答:

6月其實去芬蘭好正的。妳會見番美麗的大自然,有山有河水,唔係度度都白濛濛結晒冰咁。
DAY1到DAY3都OK啦 不過Suomenlinna即係芬蘭堡?如果係咁留三日係HELSINKI真係要好好PLAN下做乜。

Q1 – 其實我會PLAN係HELSINKI玩完兩日 (或三日) 坐船去TALLNIN (對面海之嘛….) 玩完即返HELSINKI再上ROVANIEMI。妳DAY6由ROVANIEMI落番HELSINKI再落TALLNIN?一日喎!! 妳有無睇過地圖妳知唔知幾遠?仲要加程船?妳WORK伯母都唔WORK的……
就算妳坐內陸機一落HELSINKI再坐巴士出市區再駁車去碼頭再坐船落愛沙呢亞再坐車去酒店可以一日做晒咁利害,都不如他他條條玩完先北上。
Q2 – 坐內陸機啦,坐內陸機啦,坐內陸機啦。
Q3 – 係! (理論上可以唔 係但實際上…….唔好玩啦)
Q4 – 不如咁
DAY1 HONGKONG – HELSINKI
DAY2 HELSINKI (bonfire festival)
DAY3 HELSINKI – TALLNIN
DAY4 TALLNIN – HELSINKI – ROVANIEMI
DAY5 ROVANIEMI ( SANTA CLAUS VALLAGE)
DAY6 ROVANIEMI – HELSINKI AIRPORT – STOCKHOLM
DAY7 STOCKHOLM
DAY8 STOCKHOLM
DAY9 STOCKHOLM – HONGKONG
妳參考下
David Fan

photo credit: visithelsinki.com

helsinki 1.jpg

David 信箱 (五)

文: David 北歐旅遊FAN

問:

David,
你好. 睇左你寫既Blog, 超好
但我想Plan 行程時, 預上了問題. 想請教一下.
我11月18日由HK 飛HEL. 5:45am到. 28/11 由HEL番HK (共11日)
我睇到你blog 寫, 直上Ivalo. 但我當天到達只有 Finnair 有機. 244,55€/passenger
Norwegian 要 22/11 先有平機. 67€/passenger .
所以打算在 HEL 玩四日再上Ivalo.
可能在HEL 會去.
Porvoo
Tampere
Tallin (玩兩日)
22/11再番機場. 飛Ivalo. 再玩番落黎HEL.
請問有無更好的意見呢? 上lvalo 都是在睇極光的.
萬分感謝
Ben

答:

我會:
1 – Helsinki
2 – Tempere

3 – Oulu 或 Kemi
5 – Rovaniemi
6 – Ivalo
咁就可以由南玩到北,又慳左機票。
最遠係由 Tempere 去 Oulu 或 Kemi 呢程之嘛。
咁 Kemi 去 Rovaniemi 兩三個鐘就到。
Rovaniemi 去 Ivalo 4個零鐘。
係Ivalo 玩完舒舒服服飛番落 Helsiniki , 咁先叫假期嘛,又慳錢又舒服,係咪?

Tampere_Montage_1

Wikipedia picture

David 信箱(四)

文: 北歐旅遊Fan

問: 你好。 我叫阿Carr,我女朋友之前同我講過話想去聖誕老人村&睇北極光,今年我想俾個驚喜佢。 今年12月,我諗住同佢去10日左右,請問CHING有冇啲行情可以俾我做參考或者可以有乜提議俾我。

因為我自己英文水平都幾差 ,除咗去過幾次東南亞外都冇乜出國經驗,希望CHING幫幫忙。 PS.如果可以既話就麻煩CHING俾埋預算我,例如搭乜AIRLINE會平啲,因為小弟都係個窮人, 我諗住大約25K一個人左右,如果唔夠既話你可以俾個大約價錢我,話我知幾多先夠,等我可以知道我要捱幾耐面包… 唔該CHING…..
答: Carr 兄
好,好,好!!! 你有動力有勇氣去做呢件事! 實在真漢子也!
好,等我幫諗諗
條件
1 – 10日
2 – 語言
3 – 無行情
4 – 25k 1個
咁……….1 – 拿,先訂酒店先。要訂玻璃頂酒店就無可能架啦,去 www.booking.com 睇下第二d。見圖有極光個張圖。 其實2晚就兩千零蚊搞得掂

http://www.booking.com/searchresults.zh-cn.html…

2 – 訂左酒店,咁就要搵機票啦。無得揀,一定係芬蘭航空。見圖334 兩位共$18462

3 – 咁你到12月頭,去買晒羽絨呀雪褲呀,女仔怕凍買暖包,入定D杯麵雜糧,到12月10 號你去到機場,上機訓覺。 兩位豐檢由人。但記得件羽絨要最高個級,因為12月限限地-廿零度唔係講笑。

4 – 到左Helsinki, 係機場便利店買定過夜物資都ok。酒店買支1.25可樂都成舊水。買煙買糖買餅買pizza買乜都好呢個係last一站! Valo好荒涼除左酒店counter無野買的。轉內陸機去 ivalo,著陸之後係條梯行落地,恭喜你地,landing北極圈!!

出機場係門口對面有2-3架巴士,好似1架向男,一架向北,一架入ivalo。唔知你訂便間hotel,你訂完酒點跟手比個email佢問下係機場門口坐邊架巴士。Ivalo機場係一個好鬼細既機場。一日得一班定2班機架咋。好似梅窩碼頭咁船到車走。(放三有時間搵車上車的,堅唔識就叫酒店訂定架的士係門口等你,焗比無辦法)

5 – 去到酒店貴客自理中意點玩都ok。有錢就可以book戶外活動,坐鹿車,去d小木屋bbq等等。

6 – 夜晚行出屋仔門口,拖住女友隻手,抬高頭。北極光就會係你地頭頂跳舞歡迎你兩位。記得帶輕便腳架。

7 – 寧靜,舒坦,成個世界只剩 天,地,妳,我。 求婚又好,擁吻又好,想點就點。過2晚會好d。一晚太趕太辛苦。

8 – 兩日後朝早9點有車,係酒店門口出d,對面馬路等巴士。千祈唔好遲,一分鐘都唔好,真真係好準時的。 巴士目的地係 rovaniemi。即係聖誕老人村所在地。同巴士司機講要去聖誕老人村佢會式停比你,唔識講,download定張相擺係電話show比佢睇都得。幫你download埋張大門口相同埋係人都識個張相咁就無走雞。記得44.1蚊歐圓一位

9 – 其實你可以去 www.davidfan.com 有晒成個詳細方法由 ivalo 去 rovaniemi 點搞。慢慢睇晒就唔驚。

10 – 我去個陣成個聖誕老人村係無locker架,d行李我都係就咁擺係度。唔知而家有無裝locker。如過你驚行李你可以唔係聖誕老人村落車即程去 rovaniemi擺低行李休個息,再坐8號巴士去聖誕老人村。

11 – 訂 rovaniemi既酒點都貴架,因為聖誕節嘛。千零2千蚊都走唔甩。http://www.booking.com/searchresults.zh-cn.html?src=index…

12 – 玩完聖誕老人村,完成左心願。可以左長途巴士或者火車去其他地方。

黎到呢都要停一停,問下你先。

你跟住個6日想點?滑雪?坐破冰船?玩helsinki?去多幾個城市?去唔去埋瑞典?仲有無錢?

你諗諗之後個幾日仲有無錢同埋想點,再send個email比我,我再幫你諗。
頭都大埋要請食野呀,哈哈哈哈!!!

北歐旅遊fan's photo.

David 信箱 (三)

文: 北歐旅遊fan

問: 你好!想問下如果十月至三月(因為想睇北極光),那個時候去北歐最適合呢?其實我原本計畫大概由 21/11-6/12。不過我看到其他文章,提及11月是最唔吸引,所以想了解多一些。我諗住12頭,可以去下xmas market :)

另外,由於我有約15日時間,我會去四國+塔林。但想知道塔林是不宜冬天去呢?

David 答: 咁如果自由度咁大梗係12月中去啦,係ROVANIEMI同聖誕老人講 MERRY X’MAS 佢同妳講番恭喜發財,真係好好玩架。12月凍得黎都仲頂得順,1-2月可以零下30-40度架.....

images
11月又未到聖誕,又岩岩先落少少雪,唔好玩既。so 12月最好。

但12月亦係最貴最爆的日子。我假設妳仲未book酒店機票,咁.....6月妳一定要搞晒!!! 7-8月先搞基本上book乜都full咁滯架啦。
個邊唔同香港,見好生意就加人加車,北歐無呢支歌仔架!!
妳而家要做就係:
1 – 問下自己個心想點2 – 預算有幾多假,幾多錢,幾多人,豪玩定cheap遊3 – 快快同同伴/男友/老公諗個行程
4 – 即刻book酒店機位。
5 – LIKE 我個page
6 – 睇我個 Website, 加加減減。
www.davidfan.com
7 – 有野唔明再問。

快快
快快快!!!

David 信箱 (二)

文: 北歐旅遊Fan – David 信箱

讀者問:

「你好~我在網上看了你有關芬蘭旅遊的介紹,
想問問你有關KAKSLAUTTANEN這間酒店你是怎麼訂到的?
因為這間酒店很FULL,我找一年後的也全被訂了⋯⋯
謝謝你的分享~」

1

David 答:

我數係去 booking.com個度book架咋。因為而家全香港都掀起 “極光遊” 而且我呢幾年觀察係越來越多人去芬蘭。所有係好難book好快full。

1 – 唯有日日去捕住日日去keep住睇實,一有位就即刻book左佢先。因為cancel係唔洗錢好多人都係book左先算但其實係隨時會cancel的。(例如請唔到假,有左bb,結婚,無錢,friend唔去得等等幾千種理由會取消)
唯有日日去睇,無辦法。

2 – 比錢旅行社賺,同佢講 :多多都比死間房比我唔唔該……….可能有窿路蛇到一間比你。

試下囉, 哈哈哈哈

David Fan」

Live Norish 補充: http://www.kakslauttanen.fi/

https://www.facebook.com/NorthEuropeFan