丹麥王夫棄妻單飛威尼斯 專家指如向國人舉中指

文: 丹麥講故佬

認為自己應該係國王既亨利親王因病缺席丹麥皇后瑪嘉烈二世既生日慶祝活動,但係有人係星期六發現佢竟然係威尼斯聖馬可廣場出現,似乎係遺棄老婆,自己單飛南下威尼斯;丹麥皇室發言人亦透過SMS確認亨利親王確實離開左丹麥。

image2

皇室專家Trine Villemann表示,亨利親王好清楚呢個舉動會比人話佢唔理會佢恰恰生日既老婆,甚至丹麥人既感受,猶如「向丹麥人舉中指」。雖然丹麥人已經接受佢成日令佢老婆出醜,但係國際傳媒唔係咁諗。Trine對於究竟亨利係詐病定係真感冒不作猜測,但係佢認為對於生日當日只可以一個人孤零零向市民問好既瑪嘉烈二世黎講,係絕對唔公平。

47260566 - Ubehandlet webpix - DAVALI PHILIP

丹麥副刊報

細說北歐難民政策 (一)

文: 丹麥講故佬

丹麥小鎮Sønderborg(唔係啤酒個個)一間Føtex超級市場係衣物部展示用阿拉伯文寫既標誌,引起軒然大波Føtex通訊顧問表示呢個標誌係為左係附近住既中東難民而設;公司所有標誌平時只會用丹麥文,但係佢地可以按情況作出例外安排。

呢個標誌當然都吸引政客討論:民粹右派既丹麥人民黨有黨員表示會杯葛Føtex,而左派既社會主義人民黨表示會呼籲親朋戚友多D幫襯Føtex。身為丹麥敘利亞混血既前國會左派議員Naser Khader仲係佢Facebook改cover image做Je Suis Føtex,以示支持。丹麥網民意見不一,有啲人認為唔應該為左遷就難民而特登幫佢地整標誌,但係有啲人認為Føtex咁做只係想吸引阿拉伯人買野,係一個商業決定;有網民認為幫助新移民融入社會唔應該只係新移民付出,當地人都需要伸出友善之手,幫助佢地。

https://www.facebook.com/naser.khader.39

丹麥係第一個批准《難民地位公約》既締約國[1],所有難民事宜由唔同部門負責,其中難民申請批核由司法局負責,而幫助難民融入社會既政策由社會事務及整合局制訂,由就業局執行。[2]司法部會根據《難民地位公約》同歐盟標準處理難民安置申請:每個難民case都會經過嚴格審查,了解情況後先會批出六個月既居留許可證,六個月後可以續期,住滿五年就可以申請做丹麥公民。丹麥依家有大約一萬三千個難民,係2013年有約七千五百個難民申請(敘利亞佔兩成二),而司法局對當中大約四千二百個難民發出居留許可證,申請成功率約55%。[3]

所有難民係申請期間必須上堂學丹麥文同了解丹麥文化,係獲批居留許可證之後需要搵工做同埋努力融入丹麥社會,如果司法局係許可證續期個陣發現佢地無心融入的話,會遞解佢地出境,而就業局當然會幫佢地搵工,安排住宿同埋安排佢地上堂。丹麥難民係申請期間可以收到每日63DKK既生活津貼,係司法局通過快速審批之後會升到86DKK[4](如果難民住係難民中心而唔需要食物及租金援助的話會減11DKK),另外難民每月會收到大約1800DKK既衣服及衛生津貼用嚟買日用品,難民仔女亦會收到額外津貼[5],而所有必需醫療開支會由就業局負責。難民係申請期間除左上堂之外,亦需要係難民中心進行職業訓練,而佢地既仔女會被安排上教育局制訂既特別課程,除左學丹麥文同英文之外,亦會有一般Folkeskole(小一至中三)有既課程[6]。難民頭六個月需要住係難民中心,只可以係難民中心入面幫手打理地方,但係逗留六個月之後,就可以搬出去同埋搵工做。呢個做法除左令難民可以食自己,唔需要靠政府養之外,都係一種對佢地既尊重,因為佢地唔係廢人,有能力養起自己養起家庭,唔比佢地做野只會晒曬勞動力,囚禁係難民中心無所事事亦對佢地唔健康。

睇返香港呢個無簽《難民地位公約》既城市,難民審批程序通常要搞好多年,過去五年申請成功率低至0.1%[7]。原本需要為難民提供援助既社會福利署,將有關工作外判出去比非政府組織ISS[8],提供食物同租金援助,但係佢地提供既租金援助亦只得千五蚊,係香港呢個租貴過天既地方,難民只能夠租用偏僻地區嘅劏房或生活環境極差既貧民窟,甚至露宿天橋底,所以有難民會挺而走險做黑工[9]。

香港難民權益組織Vision First經常批評香港政府完全唔歡迎難民,踢爆佢地為左趕走難民,特登拖延難民申請[10]同埋逼難民係食物援助同租金援助之間二選一[11]。佢地認為香港政府採取緊「咩都唔做」政策,就算入境處職員覺得申請可以批核亦都唔正式批准,由得難民係街行乞,等難民自行放棄申請自行離去,咁政府就唔需要負任何責任[12]。佢地亦批評ISS完全無意幫助難民,佢地係官方blog度話ISS社工任由難民媽媽帶住個BB係元朗街頭吹西北風,連去ISS中環難民中心既二十七蚊車錢都唔肯幫手比住先[13],更加爆出提供變壞食物既醜聞,懷疑同貪污有關[14]。係呢個政策上咁唔歡迎難民既地方,連聯合國難民署都只可以安排難民去其他國家申請庇護。

難民都係人,需要有三餐溫飽,需要有安身之所,需要有政府保護,但係更需要得到作為人既最基本尊重。丹麥政府採取一系列政策確保難民能夠融入社會,細為社會作出貢獻,值得參考;反觀香港政府,對於呢班需要人道幫助既難民,採取不聞不問既態度,任由佢地自生自滅,完全係人權既侮辱。我地當然可以(亦都應該)將矛頭直指一男子政權,但係對住呢個逆民生而行既政府,我地只可以用筆用口,引起公眾關注,關注呢班長期被忽視既難民。

係同丹麥一海之隔既瑞典,情況同香港調轉;瑞典非常歡迎難民,有十萬個難民住係瑞典唔同地區,係2013年更加批准左20%係歐盟既難民申請。但係呢個慷慨難民政策,係瑞典本土造成好多民生問題,呢大批難民更加影響到歐盟其他國家。究竟發生左咩事?下次再講。

[1] http://www.unhcr.org/protect/PROTECTION/3b73b0d63.pdf

[2] https://www.nyidanmark.dk/en-us/News/News/danish_immigration_service/2011/Oktober/inm-is-closed.htm

[3] https://www.nyidanmark.dk/NR/rdonlyres/D7322BD4-B6ED-43D7-AFEA-00F597BE0800/0/statistical_overview_2013.pdf

[4] https://www.nyidanmark.dk/en-us/coming_to_dk/asylum/conditions_for_asylum_applicants/cash_allowances.htm

[5] https://www.nyidanmark.dk/en-us/coming_to_dk/asylum/conditions_for_asylum_applicants/provision.htm

[6] https://www.nyidanmark.dk/en-us/coming_to_dk/asylum/conditions_for_asylum_applicants/education_and_other_activities.htm

[7] http://www.vfnow.org/4873/twenty-one-years-of-duplicity/

[8], [9], [14] https://echonewshk.wordpress.com/2014/03/29/%E9%9B%A3%E6%B0%91%E5%9C%A8%E9%A6%99%E6%B8%AF-%E6%85%98%E9%81%8E%E5%81%9A%E4%B9%9E%E5%85%92/

[10] http://www.vfnow.org/6506/refugees-encouraged-take-troubles-elsewhere/

[11] http://www.vfnow.org/6483/stop-forced-cohabitation/

[12] http://www.vfnow.org/6495/immigration-adopts-say-nothing-strategy/

[13] http://www.vfnow.org/6406/mother-baby-abandoned-street/

圖片來源: wikipedia.org

丹麥人最討厭咩聖誕禮物?

topelement

文: 丹麥講故佬

扑性Boxing Day又到啦,希望大家都鍾意收到既禮物啦,但係通常D同事送埋D平價濕滯飾物比你,掛又無位揼又大晒,真係寧願佢地送野食,最少都有D野落肚啊。咁究竟丹麥人最憎人地送咩呢?丹麥格價網PriceRunner做左個調查,發現丹麥人憎既無用禮物都好多姿多彩,而上網搵下「無用禮物」呢個keyword都好多結果,係度爲大家精選最搞笑之流:

一般般類:

樣衰陶瓷擺設

頂腳又撞色既衫褲鞋襪

用過既水樽

羊毛冷衫

打火機

電子蠟燭

手巾

滑雪靴

開始奇怪類:

海港用雨量計(雖然係丹麥,買一隻船係有機會平過買層樓…)

氣壓計(丹麥平到咩咁,點需要呢D野)

電視掛牆座(你又知人地部電視掛到上去?)

電子垃圾筒(揮手開蓋個類)

陶瓷公雞(仲要個頭其實係個蓋…)

急凍大黃乾北歐人幾鍾意食呢個

書形夾萬

蘿蔔批皮器

牧童笛

太笨重既頸鍊

煙盒(聽講係丹麥,自己整煙好普遍,雖然我唔知究竟係煙定係大麻)

奇怪類:

瑞典旅行代用卷(明明丹麥人最憎瑞典人)

獎牌

手織底衫褲

廁紙及廁所清潔用品(好無誠意…)

囉黎除雪既發電機(有無人可以解釋咩黎)

手鈎公仔廁紙座(想像不能)

熄蠟燭器(我會選擇吹熄佢…)

一擲千金公事包 (下?得一個公事包點玩一擲千金?)

夾撻器圖例在此
切波蘿機

極度奇怪類:

一隻牛

某隻動物既牙齒(唔通係佢隻狗甩牙然後…)

自動販賣機

用過既化妝品(連化妝品都咁環保?)

廁所板

手提手袋座(大家樂D檯底下都有D掛鉤,呢個就係佢既手提版)

Barbie擦膠座(仲要係爛既)

一個吉盒(聽講人地叫朋友送空氣比佢,所以該朋友真係送左空氣)

完全錯配/傷口灑鹽類:

兒童玩具(送比大人)

蠟筆(送比28歲既男人)

咖啡食譜(送比對咖啡敏感既人)

香水(送比對香水敏感既人)

PS2遊戲(送比有PS3既人)

耳環(送比無穿耳窿既人)

電影 “惡毒女人“ DVD(送比個ex)

錄影帶(送比用DVD既人/送比生活係2014年既人)

開蠔器(送比唔鍾意食蠔既人)

Hair Gel(送比光頭佬)

咁如果真係收到呢D咁唔等使既禮物,咁可以點算呢?丹麥作為環保國家,D人梗係唔會只係揼左佢咁簡單啦,除左私底下同人交換之外,仲有以下幾個辦法

  1. 賣左佢:將件貨賣左佢,清理屋企同時賺返個錢,一舉兩得。想拍賣價高者得的話,丹麥比較大型既拍賣網站包括QXI同埋EDBPriser(專賣電子野),亦可以係DBA同Craigslist落廣告;丹麥亦有連鎖收買佬收買電子野同DVD電影/遊戲,我自己上次用BlueCity賣左我部Nexus 7(2012),個店員竟然以為我部野係2013版既Nexus 7,咁就多左幾百DKK收啦。

如果你好多野既話,可以考慮係星期日去哥本哈根個Flea Market到開檔添。

  1. 送出去:丹麥紅十字會好歡迎大家送出無用既野,佢地會將佢地擺係舖頭用超低價擺賣,收到善款同時可以比窮人用低價買到日用品,同香港救世軍差唔多。我依家個銀包出面賣緊150DKK,我係紅十字會用10DKK就買到,非常開心~
  2. 以物易物:丹麥既垃圾場有個好得意既野,係呢個“以物易物架“上面擺滿所有人地唔等使既野,雖然通常都係圖書,但係有時都會有D電線,日用品,聖誕燈飾等等既野,可以隨便囉走。我將部壞左既相機擺係個架上面,即刻有人囉(雖然佢好似唔知壞左)。當然架上面好多野一般丹麥人會寧願自己買,但係對於經濟困難既人都好有用既。

但係最好既方法都係源頭減廢,所以唔止丹麥,歐美好多人都會整一張gift list,比人知道你鍾意D咩,唔鍾意D咩,親朋戚友就跟住張list送禮物,咁就個個happy,唔會好似呢個瑞典女人對住佢男朋友送枕頭送電筒有苦無路訴啦。

係度祝大家聖誕快樂,God jul!

Source: http://www.mx.dk/penge_erhverv/nyheder/story/26184994

終於賣了

文: 丹麥講故佬

(https://mojang.com/2014/09/yes-were-being-bought-by-microsoft/)

負責開發全球超過一千六百萬名玩家的 Lego 遊戲 “Minecraft”的公司 Mojang,其創辦人 Notch (Markus Persson) 決定將公司賣給 Microsoft。

kotaku

作為玩家,的確有點失望,但也有點開心,有點意想不到。不過,其實心底深處早就預料到有這一天。我從2010年開始,就在 #Minecrafthelp (一個 Mojang 推薦的技術支援頻道)當義工,負責所有有關 Minecraft 的疑難排解服務。當時 Mojang 並沒有專門的支援部,我們是唯一的支援渠道。後來, Mojang 因為支援需求大增,遂成立了專門的客戶服務部,可惜該部門員工沒有技術支援的經驗,故此我們仍繼續負責技術支援; 而Mojang 的部分員工就倒轉協助我們,服務出現停頓時我們都會回報 (通常都是瑞典 office hour 過後才發生,一般都難以聯絡他們)。

2013年8月,當我抵達丹麥後,很想去看一下 Mojang 在 Stockholm 的辦公室。到了11月終於獲安排參觀Stockholm 的 office。當時的 CEO Carl對於 #Minecrafthelp頗感興趣 ( 畢竟我們協助了他們的技術支援,省下了一筆可觀的 金錢支出),想和我傾談一下。我坐在 Dinnerbone (一個 Minecraft 開發者) 後面的一張椅子上,Notch 在開放式廚房見到我,就問他身邊的一個人:“Who’s that guy? ”不知何故,我當時顯得很害羞,沒有主動自我介紹,躲在那張椅子後不知該怎樣做。最後Carl 也忘記了和我談話。就是這樣,Mojang 直至現在,還沒有多了一個香港員工。

北歐人很喜歡 harmony (中文意思早被扭曲,就不寫了),要和自然融為一體,任何東西都想找一個平衡。瑞典話甚至有一個專屬字叫做 lagom,意思就是「剛剛好」:不大不小,不偏不倚,極端盡力找一個平衡點。北歐人提倡達致共識,不似強國的一黨專政只有一個共識,也不似美國兩黨對立不去尋求共識,以惠民的政策得以快速通過快速實行,得益的是民眾。

北歐人提倡平等,不應有極富或極貧,不應過度發展也不應停下腳步,城市不應太多烏煙瘴氣,也不應太少浪費這樣的 lagom,深深地埋在北歐人心中,造就了經濟強大但人民富足的所謂人間烏托邦。

其他國家爭相仿效,但始終都不能達到北歐的水平,就是因為人民的價值觀和想法不能用政策控制,需要長時間的培養才能達到。這個價值觀其實也可以解釋為甚麼 Mojang 會在2014年5月一刀切禁止伺服器售賣遊戲物品盈利,因為用真金白銀去影響遊戲,會造成 Pay to win(只有付錢才能贏)這個不公平現象。

我個人不同意 Mojang 這樣做 (因為 Minecraft 已經演化為一個平台),但是Mojang 還是一意孤行,惹起很多玩家不滿,甚至有 Minecraft 名玩家和 youtube 實況主揚言罷玩 Minecraft 或者罷更新 mods(改變或增加遊戲功能的程式,Minecraft對於 mods 的受歡迎度吸引了其他玩家,間接令 Minecraft 成功),間接引發了更對於失去控制的極端束手無策時, 放棄可能是最佳的選擇。Minecraft 當年只是一個小小的實驗,Notch 沒有預見她竟在短短三年間聞名世界,也沒預料到成為名人之後所帶來的煩惱,更沒預見2014年一個規例的改變會令整個 Minecraft 界動盪。

他發現自己根本做不來,所以決定交予有能之士管理。2011年,他已經將Minecraft 的決策權交給 Jeb (另外一個 Minecraft 開發者),嘗試在他的 office 開發一些其他遊戲,但是 Minecraft 的重擔始終不能散去,所以決定將 Mojang 賣給其他公司。別人看 Notch 可能覺得他失常了,今天的我打倒昨天的我(Notch非常討厭大財團,曾經公開批評 Windows 8。

(http://kotaku.com/5947162/notch-id-rather-have-minecraft-not-run-on-win-8-at-all-than-to-play-along) ,但是他們看不到的,是北歐人的 lagom 令 Notch 萌生去意,因為他沒有能力處理 Minecraft 名氣的極端。

當然,Notch 本身不是一個合適的管理人才,Minecraft 初期由他獨自運作時頗為混亂,到 Mojang AB 成立一兩年後才見改善,所以 Mojang 捱到今天,其實算是一個另類的極端,但是瑞典人追求平衡的心始終對 Notch 決定售賣 Mojang 有Microsoft 會將 Mojang 變成什麼樣的公司沒人知道(個人也對於 Notch 將 Mojang 賣給 Microsoft 而不是 Valve 比較失望)。但是 Microsoft 確實能夠提供予 Mojang頂尖的人才和資金,令 Minecraft 做得更好。所以,雖然很多人都和我一樣失望,但說不定 Microsoft 可能會用 Mojang 的改造歷程去證明他們有能力搞好公司,洗脫負面形象。

我不知道最後沒有加入 Mojang 對於我是好還是壞,但是2014年發生了太多事,令我必需重新審視我和 Mojang 的關係,也迫使我另尋出路,最後我決定暫時回流香港,一邊上班一邊思量下一步。散彈一號聽說之後都替我沒有加入 Mojang ,所以不能瓜分二點五億美金覺得不值(雖然瑞典政府會收取可觀的稅款,但估計也有二百萬美金…),但是我覺得沒什麼所謂,因為我的生活都挺 lagom 的;快樂就得了,不是嗎?

city

(此篇文章為個人意見,不代表 #Minecrafthelp 或 Mojang 立場。另外台灣的讀者應該想知道這件事對於台灣 Minecraft 案件有甚麼影響,我會等待適當時機再另行發文;現在如果對於台M事件有甚麼想知道的話就 [私訊我的 page 吧] 。

(https://www.facebook.com/storytellerindenmark))

圖片來源: citygrownurbanagricultureinsweden.wordpress.com; katuka.com

有關克朗的故事

文: 丹麥講故佬

北歐三個國家丹麥,瑞典同挪威都無轉用歐羅;挪威因為唔係歐盟成員國(我都係去左丹麥先知除左瑞士,挪威同冰島都唔係EU成員國,所以我原諒你的無知~)所以就自然唔用歐羅,而丹麥同瑞典分別係2002同2003年舉行公投,結果就係大約4成半支持5成半反對採用歐羅貨幣,所以就無用到啦。

呢三個國家既貨幣名都有冠娜(克朗)既名係入面,所以對於香港人可能會混淆,而我睇到好多台灣香港人問丹麥冠娜可唔可以係瑞典用,答案係唔可以既。咁點解佢地個名一樣架呢?係1873個陣,丹麥同瑞典成立左一個貨幣聯盟,共同用同一種貨幣去取代佢地各自(計法亂到飛起)既貨幣,挪威兩年後都join左,但係到左WW1個陣,因為瑞典放棄貨幣同黃金掛勾所以就解散左,解散個陣各國都無另行改名,就變成宜家咁啦。

雖然三隻貨幣既兌換率都差唔多,但係大部分情況只可以係當地國家用,所以唔好搞錯啊。我就係咁記匯率既:1 SEK = 1.2 HKD, 1
NOK = 1.3 HKD, 1 DKK = 1.4 HKD,當然匯率呢家野成日幾百萬點上落(好似係),但係你囉黎估計的話個誤差都可以接受既。

我試過係丹麥買野,店員係找錢個度無心或有意地撈左一個瑞典冠娜銀落去,當時我無為意,跟住去到另一間店比錢(佢地通常有一部機比你直接倒零錢入去,咁個收銀員就唔需要數錢,真方便~)個陣部機係咁跌返比我先發現中招,最後係條隊後面成五個人啤住我既情況下邊講undskyld(sorry)邊係個銀包度囉出一張50kr紙幣比個收銀員,仲要係部機度退返我原本入左個d銀出黎,認真_到喊sosad。 我的一毫港紙一去不回來~

10616667_743646999004175_2045671690537922201_n

由上至下:5 DKK, 20 DKK, 1 SEK (我好懷疑呢個就係當年找比我個個), 5 SEK

https://scontent-b-hkg.xx.fbcdn.net/hphotos-xfp1/v/t1.0-9/10616667_743646999004175_2045671690537922201_n.jpg?oh=64dbd3e29288707be67f1d933c9ad2d1&oe=5496E088

沒有張揚的訪問……

 文: 丹麥講故佬/Live Norish Editorial Board

有時,所謂滄海遺珠,就是寫好了但沒有刊登的訪問稿….就如丹麥講故佬的這一篇….

問: 你在丹麥生活了多長時間?

住了一年。

問: 你最難忘的北歐夏天回憶是什麼?

住在哥本哈根海岸的我,夏天時第一次看著Øresund,對岸是瑞典翠綠的山連綿起伏,深藍的大海上數隻船悠優哉悠哉的在Øresund航行,像是一幅畫。

220px-Øresund_Panorama

問:你眼中最能代表夏天的顏色是什麼?

藍色,作為在海港生長的人,夏天最舒服的事就是黃昏看著無盡的大海,任海風經過我的臉,帶走一天的辛勞。

問: 哪些是最能勾起你對北歐夏天記憶的歌/電影/書/雜誌/活動?

如果是任何地方的話我會有很多歌可以選擇(Waking Up The Satellite, I won’t let you go, A thousand years等等),但是如果只能說北歐的話,我會選擇在今年哥本哈根Eurovision拿下第二名, The Common Linnets的Calm After The Storm。Øresund兩旁都有公路,在晚上九點的,夏天的丹麥仍是黃昏。在路上邊走邊享受海風,想著那個他,想著未來的路,這個情景應該只有了無牽掛的北歐青年做得到。

電影的話Dear John海邊的情節也很類似。

活動的話不得不提丹麥人的hygge:一個無法直接翻譯作英文的名詞,代表家人朋友相聚快樂時刻。北歐夏天短暫,丹麥人都趁六至八月難得的假期(瑞典法例規定員工需要享有夏天連續放假四至六星期的權利,丹麥應該也有類似法例)出外享受由凌晨四點到晚上十點的日照以迎接接下來半年的寒冬(因為北歐高緯度,所以夏天日照時間很長,冬天卻很短,大約早上七八點至下午三四點),他們通常在沙灘上或公園裡野餐,小朋友有小朋友的嬉戲,大人有大人的話題,hygge就是享受與你愛的人共處的時光。

問: 在香港生活可如何獲得類似上題的感受和經驗?

少點留在商場,多接觸大自然吧。流一點汗,然後讓海風帶走你的汗水。多和家人朋友相處,工作永遠做不完的。
問: 北歐遊歷對你的啟發、生活的改變。

比以前吃得更健康了,因為北歐外賣和垃圾食物都很貴,所以盡量留在家吃。

比以前更放鬆了,因為環顧四周不再是高樓大廈。
比以前更加開放,北歐很多不同文化在香港只會令人覺得和犯法行為有關,但是很多東西只是一個表達自己的方式,而北歐人比香港人更早接受這一點。

圖片來源: http://en.wikipedia.org/wiki/%C3%98resund

 

 

Live Norish – 與讀者聚會

文: Live Norish Editorial Board

7月26日是Live Norish Bloggers Sharing Event 的日子,當日有超過70位讀者和博客出席,場面熱鬧! 

Live Norish 的四位bloggers 安尼斯,Jessica ,丹麥講故佬以及Wan Step in DK 分別為我們 帶來不同的北歐資訊和其他深度分享。雖然曲終但人未散,我們希望繼續舉辦活動,與讀者交流。

註: 主場新聞於同日忽然結束,本版的文章也未能再於那裡出現。我們感謝主場新聞過去一年給我們的機會和支持,希望日後再聚。將來的日子,我們會嘗試把blogger的文章在其他渠道刊登,稍後會再作通知。

另外,如各讀者有當日活動的相片,可把它們發至livenorish@gmail.com,如有感想留言亦歡迎發表! 謝謝!

 

DSC_3405-s DSC_3403-s DSC_3385-s (1) DSC_3286-s 

DSC_3347-revDSC_3309