來自丹麥的獅子王

文: 香港男孩在丹麥

今次故事所講述嘅地點並唔係丹麥,而係遠至南半球位於非洲南部嘅Bostwana – Google中文譯音為博茨瓦納。但係故事嘅其中一位主角係來自丹麥嘅Mikkel,佢亦都係小弟係丹麥居住時嘅一位朋友以及包租公。

Mikkel自少已經對非洲嘅野外生態有濃烈嘅興趣,更加對萬獸之王獅子情有獨鍾。喺2008年,Mikkel卒之有機會實現佢嘅童年夢想,去到非洲嘅草原同萬獸之王有一個近距離嘅接觸。不過依一個旅程令到佢感受最深嘅,係不同國家政府對打擊獅子捕獵而對野生獅子帶來嘅禍害。

就好似Bostwana為例,於國際傳媒同埋愛護動物組織嘅壓力之下,該國政府終於喺2000年將獅子打獵活動列為非法。令原本國家主要旅遊業收入來源 — 來自歐美專程到Botswana打獵獅子嘅遊客減少。損失咗龐大嘅收入來源令到政府失去咗資金去賠償獅子對牛田(Botswana主要產業)嘅損失,令到原本可以容忍獅子嘅牛田農民開始對每一隻走到佢哋農地嘅獅子格殺勿論。由於牛田農民槍殺獅子並唔算打獵,而是基於保護佢哋嘅私人財產所以係合法嘅。自從對獅子打獵列為非法之後被槍殺嘅獅子數量,其實遠超過立法之前,所以令獅子打獵列為非法完全係好心做壞事。

基於對獅子嘅鐘愛以及覺得係責任上嘅問題(當地牛田所生產嘅肉類主要係滿足歐洲市場對牛肉嘅需求)令到Mikkel產生左係Bostwana成立一個保育工程嘅概念。而Mikkel就遇到同樣對獅子情有獨鍾,以及有同一理念,來自德國嘅Valentin。於是佢哋兩個係2010年就成立咗Modisa Wildlife Project,以及係Botswana嘅Ghanzi地區位於世界第二大野生公園Central Kalahari Game Reserve同埋Bostwana主要牛田集中地嘅交界成立咗營地。目的係為咗保育、教育、同埋同當地政府以及農民去保護野生獅子嘅生態環境。

Modisa Wildlife Project 亦都接受世界各地對野生生態有興趣嘅旅客,每年吸引以萬計嘅旅客到Project嘅營地做義工,去感受當地嘅野生生態,同埋近距離接觸唔同嘅野生動物。

而佢哋呢件咁有意義嘅事,亦都引起世界各地唔同傳媒嘅關注,令到更加多人知道,保護野生動物並唔係淨係立法咁簡單。

而其中最令佢哋Project備受矚目嘅原因,係佢哋同一隻獅子之間一種特別嘅友情。係Project啱啱開始嘅時期,佢哋拯救咗一隻啱啱出世嘅雌性獅子Sirga,當時被同類遺棄,而佢亦都冇自己生存嘅能力,一直係死亡邊緣徘徊,好彩得到Valentin同Mikkel拯救,將佢帶返營地,Sirga先至可以生存。而佢哋同Sirga啲相同埋短片更加喺網上瘋傳,其中一段Sirga同Valentin擁抱嘅短片更加係2014年度Google其中一段最高搜尋率嘅短片。

如果大家有興趣可以去Modisa嘅Facebook page了解更多資料,甚至有機會親身去到營地做義工,近距離感受非洲獨當一面嘅野生生態。

https://www.facebook.com/modisa.org/?fref=ts

14910319_1876836242545040_1165720500508812450_n

14884715_1876836385878359_3136816821305946191_o

14915455_1876836305878367_5375558333852517702_n

14876585_1876836365878361_5119269176450326283_o

14753289_1876836409211690_2417361501612512648_o

14915455_1876836305878367_5375558333852517702_n

[文化篇 – 除夕]

文: 香港男孩在丹麥

除夕係丹麥文化入面其中一個重要嘅節日。丹麥人喺除夕多數同朋友一齊度過。

當晚,丹麥女皇會喺電視同全國人民講話,回顧過去一年以及祝福人民有一個美好嘅新一年。除左女皇演講之外,零晨直播首都哥本哈根rødhus嘅煙花匯演。

而係民間都會有煙花活動,好多丹麥人都會喺除夕之前買入煙花,然後喺踏入新年一刻,喺自己屋企花園或者街上發放。令到漆黑嘅天空變得充滿色彩。

除夕好似聖誕咁,都有佢嘅傳統食物,就有kransekage (marzipan new year cake),以及晚餐嘅主菜 Nytårstorsk (boiled cod with mustard sauce)。

有興趣嘅朋友可以參考以下YouTube link: https://www.youtube.com/watch?v=w9GEWQuOxO4

最後喺度祝大家新年快樂,godt nytår!

15823041_1909265352635462_3801427008390688062_n

15844491_1909265455968785_8022861596198693530_o

15800374_1909265432635454_614493062700267056_o

來自丹麥的獅子王

文: 香港男孩在丹麥

今次故事所講述嘅地點並唔係丹麥,而係遠至南半球位於非洲南部嘅Bostwana – Google中文譯音為博茨瓦納。但係故事嘅其中一位主角係來自丹麥嘅Mikkel,佢亦都係小弟係丹麥居住時嘅一位朋友以及包租公。

Mikkel自少已經對非洲嘅野外生態有濃烈嘅興趣,更加對萬獸之王獅子情有獨鍾。喺2008年,Mikkel卒之有機會實現佢嘅童年夢想,去到非洲嘅草原同萬獸之王有一個近距離嘅接觸。不過依一個旅程令到佢感受最深嘅,係不同國家政府對打擊獅子捕獵而對野生獅子帶來嘅禍害。

14915455_1876836305878367_5375558333852517702_n

就好似Bostwana為例,於國際傳媒同埋愛護動物組織嘅壓力之下,該國政府終於喺2000年將獅子打獵活動列為非法。令原本國家主要旅遊業收入來源 — 來自歐美專程到Botswana打獵獅子嘅遊客減少。損失咗龐大嘅收入來源令到政府失去咗資金去賠償獅子對牛田(Botswana主要產業)嘅損失,令到原本可以容忍獅子嘅牛田農民開始對每一隻走到佢哋農地嘅獅子格殺勿論。由於牛田農民槍殺獅子並唔算打獵,而是基於保護佢哋嘅私人財產所以係合法嘅。自從對獅子打獵列為非法之後被槍殺嘅獅子數量,其實遠超過立法之前,所以令獅子打獵列為非法完全係好心做壞事。

基於對獅子嘅鐘愛以及覺得係責任上嘅問題(當地牛田所生產嘅肉類主要係滿足歐洲市場對牛肉嘅需求)令到Mikkel產生左係Bostwana成立一個保育工程嘅概念。而Mikkel就遇到同樣對獅子情有獨鍾,以及有同一理念,來自德國嘅Valentin。於是佢哋兩個係2010年就成立咗Modisa Wildlife Project,以及係Botswana嘅Ghanzi地區位於世界第二大野生公園Central Kalahari Game Reserve同埋Bostwana主要牛田集中地嘅交界成立咗營地。目的係為咗保育、教育、同埋同當地政府以及農民去保護野生獅子嘅生態環境。

14595638_1876836279211703_1096124838606169003_n.jpg

Modisa Wildlife Project 亦都接受世界各地對野生生態有興趣嘅旅客,每年吸引以萬計嘅旅客到Project嘅營地做義工,去感受當地嘅野生生態,同埋近距離接觸唔同嘅野生動物。

而佢哋呢件咁有意義嘅事,亦都引起世界各地唔同傳媒嘅關注,令到更加多人知道,保護野生動物並唔係淨係立法咁簡單。

而其中最令佢哋Project備受矚目嘅原因,係佢哋同一隻獅子之間一種特別嘅友情。係Project啱啱開始嘅時期,佢哋拯救咗一隻啱啱出世嘅雌性獅子Sirga,當時被同類遺棄,而佢亦都冇自己生存嘅能力,一直係死亡邊緣徘徊,好彩得到Valentin同Mikkel拯救,將佢帶返營地,Sirga先至可以生存。而佢哋同Sirga啲相同埋短片更加喺網上瘋傳,其中一段Sirga同Valentin擁抱嘅短片更加係2014年度Google其中一段最高搜尋率嘅短片。(https://www.youtube.com/watch?v=RQKVKIsI8nA)

如果大家有興趣可以去Modisa嘅Facebook page了解更多資料,甚至有機會親身去到營地做義工,近距離感受非洲獨當一面嘅野生生態。

https://www.facebook.com/modisa.org/?fref=ts

Live Norish Annual Event 2016 – 感謝文

文: Live Norish Editorial Board

[好開心的說] 多謝昨日出席活動的朋友,我們有驚人的出席率 – 九成半!!!!

就如昨日所說,舉辦此年度活動不為賺錢(未埋數但好似剛收支平衡…),我們認為活動的意義大於一切。每次聽到讀者因為接觸到 live norish 而決定去北歐闖一闖,都覺得非常熱血兼感動 (看到10年前的自己啊~~~)。就算你在歐遊過後決定回來過一些營營役役的生活,外國生活的時間一定是你快樂而深刻的人生經歷。

喜見大家如此投入,完場後更有人留下繼續傾計,如有任何意見請以inbox 形式賜教。

多謝 The Wave 的場地,又型又闊絡,更加要多謝blogger 們準備的分享,百忙之中諗個speech 整埋powerpoint 你估好易? 也多謝Cola, Ron, Ernest, Baldwin 當天幫忙。有一個人沒有來但一定要多謝,就是我們最愛的設計師Clare!

不能skip 的當然是好好人的sponsor:

‪#‎Sverigeshoppen‬, ‪#‎Sudio‬, ‪#‎Sandqvist‬, ‪#‎MotelL‬,‪#‎Stockholm‬‪#‎FINDS‬‪#‎Theluxemanor‬

www.sverigeshoppen.com
www.finds.com.hk
www.theluxemanor.com
https://www.facebook.com/Stockholm.com.hk/?fref=nf
www.motel-l.se
www.sudiosweden.com/hk
https://www.sandqvist.net/

記得,所有discount code 也是印在門票的背面,如你遺失了門票,請以電郵聯絡我們。

下年再見咯。

13913715_1165872346805176_8861315268872659227_o

[旅遊篇 – 丹麥的烏托邦]

文: 香港男孩在丹麥

最近全球嘅新聞焦點都集中係英國脫離歐盟身上,雖然反對嘅聲音四起,但係英國離開歐盟已成定局,是好是壞亦需時間為大家帶來一個答案。

而另一邊廂歐盟成員國之一嘅丹麥,其實係佢嘅國土上都有一片非歐盟領土,呢個地方叫做Christiania。

Christiania 全名為 Fristaden Christiania (Fristaden解作Freetown自由城)。Christiania位於丹麥首都哥本哈根Christianshavn區。人口大約850人,面積為0.34平方公里。1971年一班反對丹麥房屋問題嘅示威者以及70年代普及嘅嘻皮文化反政府人士佔據咗哥本哈根一個空置嘅舊軍營,劃地自居並樹立自己旗幟,宣佈對該地區有統治權。並係該年嘅9月26日由其中一位居民 – 自由新聞工作者Jacob Ludvigsen於佢出版嘅報章Hovedbladet宣布Christiania獨立。

Christiania 推行無政府主義,並擁有自己嘅貨幣、旗幟、法律。社區唔受丹麥法律管治,所以直到1994年之前,居民都冇需要向丹麥政府納稅。之後Christania地方代表同丹麥政府達成協議同意居民繳交費用去換取水電供應。

Christiania一直同丹麥政府關係緊張,其中一個因素係因為Christiania成為丹麥主要嘅大麻供應市場,所以丹麥政府多次嘗試收回土地並同Christiania進行法律訴訟,尤其是2011年雙方談判更加一直進入僵局,居民更加將Christiania停止對外開放,但係後來雙方達到共識,居民籌集資金以低於市價價錢正式購買土地,成為土地合法擁有者。令呢個丹麥領土入邊嘅烏托邦得以保存。

由於長期缺乏資金維修,所以入邊嘅佈局同埋建築物都系殘破不堪,而差唔多每一組建築物上面都充滿咗藝術家嘅塗鴉,冬天Christinania街上更加充滿咗用石油筒造成嘅火爐,彷彿置身係災難電影入面嘅末日世界,同外面哥本哈根市中心華麗整齊嘅佈局形成強烈對比。加上入面充滿奇裝異服嘅居民,成個地區彷彿就好似一個流動嘅藝術博物館。Christinania係聖誕節嘅時候入面仲會有哥本哈根其中一個主要Christmas Market。Christinania另外其中一個特色係喺入口位置會有一個拱門上面寫住”You are now leaving the EU” ,出口又會寫住”You are now entering the EU”去強調Christiania係一個獨立社區。入面仲有導遊服務帶你遊覽同埋介紹Christiania。

Christiania雖然係一個自治區,但係其實係好安全嘅,但係要緊記遵守入面嘅規矩,例如入面係唔准影相同埋錄影,特別係Pusher Street一帶主要嘅大麻售賣場所。所以入去之前要留意喺門口嘅一個” Do’s & Don’ts告示。

而前往Christiania非常方便,只要乘搭地鐵Metro喺Christianshavn Station落車然後行大約五分鐘就會到達。

13603408_1818392138389451_3299613838314119389_o

[飲食篇 – JOE & THE JUICE]

文: 香港男孩在丹麥

小弟後知後覺,啱啱發現原來丹麥超人氣果汁店JOE & THE JUICE喺2月已經正式登陸香港。店趾位於銅鑼灣時代廣場4樓。

早於2002年喺哥本哈根開設第一間果汁店。而品牌嘅概念喺集合左Starbucks同Abercrombie & Fitch嘅特色(Third Place加年輕時尚加美男計)成為喺丹麥以及北歐最受歡迎嘅Franchise。雖然品牌形象喺主打時尚年輕一代嘅市場,不過憑著佢地出色嘅市場策略同適合丹麥人口味嘅產品,已經成為丹麥男女老幼生活嘅一部份。

但係佢地嘅果汁都偏貴,所以都唔會成為好似小弟般星斗市民生活嘅一部份。不過貪得意同有興趣睇驗丹麥風味嘅朋友可以不妨試試。

詳細資料可以參閱佢地Facebook Page:https://www.facebook.com/JOE-THE-JUICE-HONG-KONG-69356547…/…

JOE & THE JUICE – HONG KONG

12923127_1778881259007206_7557556591786907098_n

12439169_1778881262340539_4051075246709819997_n

旅遊篇 – Distortion

文: 香港男孩在丹麥

一年一度嘅Street Party盛事 DISTORTION 由今日6月1日起一連五日係哥本哈根市中心舉行。Distortion 係一個融合哥本哈根街頭同夜蒲文化嘅一個盛大 Party。由於 Party 文化係丹麥年青人心目中極為重要,所以每日大約吸引到多達十萬人參與。Distortion 亦係歐洲其中一個最大嘅 Street Party。

Distortion 嘅前身係喺1998年由 Thomas Fleurquin 喺 Tivoli 遊樂場入面嘅Mantra Night Club舉辦嘅一個一晚嘅party開始。直至2000年先至變成長達五日嘅 Street Party。而每年嘅第一日都係以 Nørrebro 嘅 Street Party 開始,以及以 Refshaleøen 舉辦嘅Final Party 作為完結。而音樂嘅主要類型都係 Clubbing Music 好似 EDM,Techno,Funk 等等為主。

Distortion 嘅 agenda 每日每分為日間同晚間。日間嘅 Street Party 由下午四點至晚上十點,入場係免費嘅。夜晚嘅 Distortion Club Party (包括 Final Party)會係特定嘅特別地點例如游泳池,貨倉,碼頭等等所舉辦,不過入場係要收費嘅。由於每日嘅 Party 都係唔同嘅地方舉行,所以每個 Party 都有唔同特色,比到參加者唔同嘅感覺。

如果依幾日係丹麥嘅朋友可以不妨參加一下,去感受呢個全丹麥,甚至係全歐洲其中一個最熱鬧嘅 Street Party。

詳情可以參閱一下佢地 Website/ Facebook Page:

https://www.facebook.com/cphdistortion/timeline

http://www.cphdistortion.dk/

photo credit: cphdistortion.dk